මැදපෙරදිග, සෞදි අරාබිය, අපේ ආරියවතීලා සහ අපේ (පා)ආණ්ඞු.......

මෙයට අවුරුදු 75 කට පෙර අතේ සතේ නැතිව ආත භූත වී දුගී ජීවිත ගත කරමින් සිටි මැදපෙරදිග ජනයා ලෝකයේ බලසම්පන්න සහ ධනවත් මිනිසුන් බවට පත් වීමට පටන් ගන්නේ ඛනිජ තෙල් උල්පත් තම භූමියෙන් මතු වීමත් සමග ය. ඒ වන විට බල ශක්‌තිය නිපදවීම සඳහා සුදුසු ඉන්ධන සොයමින් සිටි ඇමරිකාව හා යුරෝපයේ සමහර රටවල් මැදපෙරදිගට ගොස්‌ එහි නායකයන් රවටා එම භූමියේ ඇති තෙල් ළිං සියතට ගන්නේ ය.

එහෙත් දුගී ජීවිත ගත කළ මැදපෙරදිග ජනයාට තෙල් සල්ලි ලැබෙන්නට පටන් ගැනීමත් සමගම අතට පයට වැඩකාරයන් ඕනෑ කරයි. එය ''පොල්කුඞු කමින් සිටියවුන්ට කිරිබත් දුටුවිට ක්ළාන්තය සැදෙන්නා සේ'' යන කියමන සපථ කරන්නකි. ආසියාවේ දුගී දුප්පත් රටවල ජනයා මැදපෙරදිග ගෘහ සේවිකාවන් සහ ගෘහ සේවකයන් ලෙස යැමට පටන් ගන්නේ මෙම "අතට පයට වැඩකාරයන් උවමනා වීමෙන්" හටගත් ශ්‍රම වෙළඳපොල පිරවීමටය. සල්ලි දිය හැකි වුවත් මොළය දිය නොහැකි නිසා නූගත් මැදපෙරදිග ඇතැම් වැසියෝ මෙහිදී තිරිසනුන් ලෙස හැසිරෙන්නට පටන් ගනිති.

සෞදි අරාබියේ ගෘහ සේවිකාවක ලෙස සේවයට ගිය සිංහල කාන්තාවකගේ සිරුරේ විසිහතර පොළකට ඇණ ගැසීමේ හද කකියවන පුවතක්‌ පිළිබඳව මේ දිනවල පුළුල් අවධානයක් යොමුව ඇත. ඇයගේ සිරුරේ ඇණ පෙන්වන X-RAY සටහනුත්, ඇණ ගලවන ආකාරයත්, ගැලවූ ඇණත් දැක්වෙන ඡායා රූප ජාත්යමන්තර මාධ්යනවල පවා පළවී ඇත. එසේ හෙයින් අපේ (පා)ආණ්ඞු කරවන උන්ගේ මෙන්ම වීදෙස්ගත ලාංකිකයින් දිවා රෑ නොබලා සුරක්ෂිත කරවමින් ඔවුනට සුර සැප ලඟා කරන්නට වෙර දරණා විදේශ රැකියා නියුක්‌ති කාර්යාංශයේද, අමාත්යාං ශයේද ඇස් ඇරී ඇත. බොහෝවිට අපේ අහිංසක දුප්පත් කාන්තාවන් විදේශගත වන්නේ කිසිදු ලියාපදිංචියක් නැති වගකීමක් නැති හොර ඒජන්සි මගිනි. විදේශ රැකියා නියුක්‌ති කාර්යාංශයේද අමාත්යාං ශයේද නිළධාරීන් සහ ඔවුන්ගේ අත වැසියන් මෙවැනි නීති විරෝධී රැකියා ඒජන්සි පවත්වාගෙන යනු ලබන බව නොදන්නේ බලධාරීන්ම පමනි. සේවා යෝජකයන් විසින් ගුවන් ටිකට්පත් ගාස්තූ පවා ගෙව්වද වංචනික නීති විරෝධී රැකියා ඒජන්සි පවත්වාගෙන යනු ලබන හොර තක්කඞින් එම මුදල් යටමඞි ගසා කාන්තාවන්ගේද මුදල් ගසාකති. කොරියන් රැකියා කෝටා තම හෙන්චයියන් ලවා විකුණමින් තරුණයින්ගේ මුදල් කෝටි ගණනින් කොල්ල කෑ

දූෂිත වයෝවෘද්ධ සූදු අඳින රැකී රක්ෂා කටයුතුපිළිබඳ ඇමතිවරුන් සිටි දේශයක මෙවැනි දෑ සිදුවීම පුදුමයක් නොවේ.

එසේම "සරත් මහත්තයා" විසින් ලිංගික අතවරයට ලක්වූ නිවසේ මෙහෙකාර තරුණියගේ පැමිණිල්ල සුළු පැමිණිලි අංශයේ සුළු අපරාධයක් ලෙසින් පොලිස් පොතේ ලියවෙනා වූද, ජාතියේ යුද වීරයා අනේකවිධ අභූත චෝදනා නගමින් දංගෙඩියටම දක්කන්නාවූද විෂම නීතියක් ක්‍රියාත්මක වන දේශයක වංචනික රැකියා ඒජන්සි පවත්වාගෙන යනු ලබන හොර තක්කඞින් නීතියේ රැහැනට ගැට ගැසිම උගහටය...
මේ මොහොතේ වුවද ආරියවතීලා දහස් ගණනක් සෞදියේ හෝ වෙනත් මැදපෙරදිග රටවල සුවිසල් මැදුරුතුල තිරිසන් අරාබිකාරයින්ගේ අනේකවිධ අමානුෂික වධහිංසා විඳිමින් අසරණව දුක වළඳනු නිසැකය... තවත් කොටසක් අහිංසක බලාපොරොත්තු පෙරදැරිව විදෙස්ගතවීමට ගුවන් තොටුපොලේ විය යුතුය... තවත් ආරියවතීලා සිය ගණනක් හොර රැකියා ඒජන්සි පෝලිම්වල තමන්ගේ වාරය එනතෙක් නොඉවසිල්ලෙන් බලාසිටිනු නිසැකය...
කෙසේ වුවද අපරටේ ජාතික ආදායමට වැඩි දායකත්වයක් දෙනු ලබන්නේ මෙකී ආරියවතීලාගෙන් සමන්විත සුවහසක් දිරිය කාන්තාවෝය, මවුවරුන්ය. ..ඇතැම්විට ආරියවතී මහත්මිය රෝහල්ගතවීමට පෙර පිටගැස්ම හැදී මියගියේනම් ඇණසීමේ සිද්ධිය උපන්ගෙයිම මියැදීමට ඉඩ තිබුනි. එහෙත් විටෙක ආරියවතීට නපුරු වූ දෛවය විටෙක කාරුණික වීමටතරම් ඇයගේ වසනාව තිබුනි.....
දැන් කලයුත්තේ මෙවැනි තිරිසනුන් සිටිනා රටවලට අපේ කාන්තාවන් යැවීම නතර කිරීමය.